អាសូរណាស់! ក្មេងប្រុស២នាក់ ចុះលេងទឹកស្រះលង់ស្លាប់ នៅស្រុកថ្មគោល
ខេត្តបាត់ដំបង៖ កាលពីល្ងាចថ្ងៃទី២៤ ខែតុលា ឆ្នាំ២០២១ មានក្មេងប្រុសស្រីចំនួន ២នាក់ បានចុះលង់ទឹកស្រះ បណ្តាលឲ្យស្លាប់ ត្រង់ចំណុចក្រុមទី០៥ ភូមិប៉ោយរំជៃ ឃុំរូងជ្រៃ ស្រុកថ្មគោល ខេត្តបាត់ដំបង។
ក្មេងប្រុសរងគ្រោះទាំង ២នាក់ ឈ្មោះ លឿន ចិត្ត ភេទប្រុស អាយុ០៣ឆ្នាំ រស់នៅភូមិប៉ោយរំជៃ ឃុំរូងជ្រៃ ស្រុកថ្មគោល និងឈ្មោះ ដួង ថៃ ភេទប្រុស អាយុ០៥ឆ្នាំ រស់នៅភូមិប៉ោយរំជៃ ឃុំរូងជ្រៃ ស្រុកថ្មគោល។
ក្រោយពេលកើតហេតុ សមត្ថកិច្ចមូលដ្ឋាន បានចុះពិនិត្យ ហើយសន្និដ្ឋានថា ក្មេងប្រុសរងគ្រោះទាំង ២នាក់ ពិតជាស្លាប់ដោយលង់ទឹកប្រាកដមែន។
បច្ចុប្បន្នសាកសព សមត្ថកិច្ចបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីទំនៀមទំលាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។