នគរបាលក្រុងបាត់ដំបង បង្ក្រាបល្បែងភ្នាល់ជល់មាន់ ឃាត់ខ្លួនមនុស្ស ៤នាក់
ខេត្តបាត់ដំបង៖ កាលពីរសៀល ថ្ងៃទី៣០ ខែវិច្ឆិកា ឆ្នាំ២០២១ កម្លាំងនគរបាលខេត្តបាត់ដំបង បានចុះបង្ក្រាបករណីល្បែងស៊ីសងជល់មាន់មួយកន្លែង ស្ថិតនៅក្រុមទី០៥ ភូមិកំពង់សីមា សង្កាត់វត្តគរ ក្រុងបាត់ដំបង ដោយឃាត់ខ្លួនមនុសចំនួន ៤នាក់ផងដែរ។
អ្នកដែលបានឃាត់ខ្លួននោះ ១-ឈ្មោះ អ៊ុយ ព្រីង ភេទប្រុស អាយុ៥៥ឆ្នាំ, ២-ឈ្មោះ ភ័ន ចាន់ត្រា ភេទប្រុស អាយុ៣២ឆ្នាំ, ៣-ឈ្មោះ មាន ថាន ភេទប្រុស អាយុ៤៥ឆ្នាំ និង៤-ឈ្មោះ រ៉េស ស៊ីណាត ភេទស្រី អាយុ៤៣ឆ្នាំ។
ចំពោះសំភារៈដកហូតបាន រួមមាន៖ មាន់ជល់ ៤ក្បាល ជញ្ជីងថ្លឹងមាន់១ ស៊ុមដែក ៧ស៊ុម ម៉ូតូ៩គ្រឿង រទេះអូស១ ទូរស័ព្ទ៤គ្រឿង។
បច្ចុប្បន្នជនសង្ស័យ ផ្នែកជំនាញនៃអធិការដ្ឋាននគរបាលក្រុងកំពុងរៀបចំសំណុំរឿងបញ្ជូនមកការិយាល័យជំនាញអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។