ម៉ូតូនិងគោយន្តកែច្នៃ ព្រលះគ្នា ស្លាប់ម្នាក់ របួសធ្ងន់ម្នាក់ នៅស្រុកពួក
ខេត្តសៀមរាប៖ កាលពីយប់ ថ្ងៃទី០៦ ខែធ្នូ ឆ្នាំ២០២១ មានករណីគ្រោះថ្នាក់ចរាចរណ៍មួយបង្កឡើងដោយម៉ូតូនិងគោយន្តកែច្នៃ បានព្រលះគ្នាពេញទំហឹង បណ្តាលឲ្យមនុស្សស្លាប់ម្នាក់ និងរងរបួសធ្ងន់ម្នាក់ លើផ្លូវជាតិលេខ៦ ក្នុងភូមិគោកថ្មី ឃុំពួក ស្រុកពួក ខេត្តសៀមរាប។
នគរបាលស្រុកពួក បានអោយដឹងថា ករណីគ្រោះថ្នាក់ចរាចរណ៍នេះ កើតឡើងរវាងម៉ូតូ១គ្រឿង ម៉ាកហុងដាក្លិច ផលិតឆ្នាំ២០១៩ ព៌ណស ពាក់ស្លាកលេខសៀមរាប 1AF9322 បើកបរដោយឈ្មោះប៉ក់ ជើប ភេទប្រុស អាយុ២៣ឆ្នាំ នៅភូមិចាន់តាសាយ ឃុំសសរស្តម្ភ ស្រុកពួក ខេត្តសៀមរាប (ពាក់មួកសុវត្ថិភាព) ដឹកឈ្មោះនុប ថៃសាន់ ភេទប្រុស អាយុ២២ឆ្នាំ នៅភូមិដូនទ្រ ឃុំល្វា ស្រុកពួក ខេត្តសៀមរាប (គ្មានមួកសុវត្ថិភាព) បើកបរទិសដៅពីលិចទៅកើត បានបុកនឹងគោយន្តកែឆ្នៃ ព៌ណបៃតង គ្មានស្លាកលេខ បើកបរដោយ ឈ្មោះ រិន រើយ ភេទប្រុស អាយុ៤១ឆ្នាំ រស់នៅភូមិគោកថ្មី ឃុំពួក ស្រកពួក ខេត្តសៀមរាប ឈប់នៅជាយផ្លូវខាងត្បូងក្បាលទៅទិសខាងកើត។ ក្រោយពេលកើតហេតុអ្នកបើកបរបានរត់គេចខ្លួនបាត់។
ហេតុការណ៍គ្រោះថ្នាក់ចរាចរណ៍នេះ បណ្ដាលអោយស្លាប់មនុស្សឈ្មោះ ប៉ក់ ជើប របួសធ្ងន់មនុស្សម្នាក់ ឈ្មោះ នុប ថៃសាន់ហើយមូលហេតុនៃគ្រោះថ្នាក់នេះបណ្តាលមកពីអ្នកបើកម៉ូតូបើកបរក្នុងល្បឿនលឿនខ្វះការប្រុងប្រយ័ត្ន។
ក្រោយពេលកើតហេតុកម្លាំងផ្នែកជំនាញបានចុះទៅវាស់វែងកន្លែងកើតហេតុ ប្រគល់សាកសពរងគ្រោះជូនក្រុមគ្រួសារយកទៅធ្វើបុណ្យតាមប្រពៃណី និងប្រមូលវត្ថុតាងមករក្សាទុកនៅអធិការដ្ឋានស្រុកពួកដើម្បីបន្តនីតិវិធី ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។