រយៈពេល៩ខែ កម្ពុជាប្រមូលពន្ធបានជិត១,៧ពាន់លានដុល្លារ
ក្នុងរយៈពេល ៩ខែនៃឆ្នាំ២០១៨នេះ ចំណូលពន្ធ-អាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបាន មានសរុប ៦ពាន់៧៦៦,៣៧ពាន់លានរៀល ឬជាង ១,៦៩ពាន់លានដុល្លារ ដែលស្មើនឹង ៨៧,៩៥% នៃផែនការ។ នេះបើតាមសេចក្តីប្រកាសព័ត៌មានរបស់អគ្គនាយកដ្ឋានពន្ធដារ នៅថ្ងៃទី១៨ ខែតុលា ឆ្នាំ២០១៨ម្សិលមិញ។
ចំណូលនេះ មានការកើនឡើង ១០០៩,៣៧ពាន់លានរៀល ឬជាង ២៥២លានដុល្លារ ស្មើនឹង ១៧,៥៣% បើប្រៀបធៀបនឹងរយៈពេល ៩ខែ នៃឆ្នាំ២០១៧។
ដោយឡែកគិតក្នុងខែកញ្ញា ឆ្នាំ២០១៨ អគ្គនាយកដ្ឋាននេះ ប្រមូលពន្ធ-អាករគ្រប់ប្រភេទ បានចំនួន ៧៥៣,១៧ពាន់លានរៀល ឬជាង ១៨៨លានដុល្លារ ស្មើនឹង ៩,៧៩% នៃផែនការ។ ចំនួននេះ បានកើនឡើង ២២៣,២៥ ពាន់លានរៀល (ជាង ៥៥លានដុល្លារ) ស្មើនឹង ៤២,១៣% បើប្រៀបធៀបនឹងរយៈពេលដូចគ្នា កាលពីឆ្នាំមុន។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។