រថយន្ដដឹកទំនិញធុនធ្ងន់ទម្ងន់ ៥តោន ក្រឡាប់សង្កត់លើរ៉ឺម៉កដឹកក្មេងសិស្សសាលា មានជនរងគ្រោះច្រើននាក់
ខេត្តកំពត៖ នៅវេលាថ្ងៃត្រង់ថ្ងៃទី៨ ខែកក្ដដា ឆ្នាំ២០២២នេះ មានគ្រោះថ្នាក់ចរាចរណ៍មួយរវាងរថយន្ដដឹកទំនិញធុនធ្ងន់ទម្ងន់ ៥តោន ក្រឡាប់សង្កត់លើរ៉ឺម៉កដឹកក្មេងសិស្សសាលា បណ្តាលឲ្យមានជនរងគ្រោះច្រើននាក់។
សមត្ថកិច្ច បានឲ្យដឹងថា ក្រោយកើតហេតុ ពលរដ្ឋបាននាំគ្នាជួយសង្គ្រាះបឋម ទាញយកក្មេងៗមួយចំនួនពីក្រោមរថយន្ត ហើយសមត្ថកិច្ចក៏បានចុះអន្តរាគមន៌ប្រើរថយន្ដស្ទូចដើម្បីជួយសង្គ្រោះក្មេងៗដែលកៀបជាប់ក្រោមរថយន្ដក្រឡាប់។
គ្រោះថ្នាក់ចរាចរណ៍នេះ កើតឡើងនៅតាមបណ្ដោយផ្លូវជាតិលេខ៣ ក្នុងឃុំព្រៃថ្នងស្រុកទឹកឈូរខេត្តកំពត ហើយភ្លាមៗ សមត្ថកិច្ចនៅមិនទាន់បញ្ជាក់បានពីស្ថានភាពនិងចំនួនជនរងគ្រោះនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។