ទឹកជំនន់ ក្នុងខេត្តកំពង់ធំ កំពុងកើនឡើង ដល់កម្រិតប្រកាសអាសន្ន ត្រង់គម្រោងអាងទឹកកំពង់គោ!
ខេត្តកំពង់ធំ៖ នៅថ្ងៃទី១១ ខែតុលា ឆ្នាំ២០២២នេះ ឯកឧត្តម ចាន់ ស៊ីណាត រដ្ឋលេខាធិការនៃក្រសួងធនធានទឹក និងឧតុនិយម និងជានាយក PMU-ADB, EIB, AIIB, and WB MOWRAM អមដំណើរដោយ សហការី និងប្រធាន អនុប្រធានមន្ទីរធនធានទឹក និងឧតុនិយម ខេត្តកំពង់ធំ បានអញ្ជើញចុះធ្វើការត្រួតពិនិត្យលើស្ថានការណ៍ទឹកជំនន់ក្នុងខេត្តកំពង់ធំ ដែលបានកើនឡើងដល់កម្រិតប្រកាសអាសន្ន ត្រង់គម្រោងអាងទឹកកំពង់គោ ក្នុងភូមិសាស្ត្រស្រុកកំពង់ស្វាយ ខេត្តកំពធំ។
ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម បាននិងកំពុងធ្វើការដឹកនាំបញ្ជាផ្ទាល់ធ្វើការសិក្សាលើគម្រោងអាងទឹកកំពង់គោខាងលើនេះ ដោយយកចិត្តទុកដាក់ក្នុងស្មារតីទទួលខុសត្រូវខ្ពស់ប្រាកដប្រជាប្រកបដោយសុក្រឹត្តភាពនិងមានស័កសិទ្ធភាពក្នុងការដោះទឹកជំនន់ក្នុងធា ៣០០០ ម៉ែត្រគូប នៅក្នុងរដូវវស្សា និងស្តុកទឹកបានចំនួន ២៧០លានម៉ែត្រគូប ក្នុងចំងាយ ១៦០គម ដល់ស្ពានសណ្តាន់ ជាទឹករស់សម្រាប់ធានាឲ្យសន្តិសុខទឹកលើគ្រប់វិស័យចំនួន ៣០០ ០០០ ហត ក្នុងស្រុកកំពង់ស្វាយ ស្រុកសន្ទុក ស្រុកសណ្តាន់ បម្រើឲ្យវិស័យអេកូទេសចរដ៏ច្រើនក្នុងស្រុកប្រាសាទសម្បូព្រៃគុក និងបម្រើឲ្យបណ្តាស្រុកជាច្រើនទៀតក្នុងខេត្តកំពង់ធំ តាមរយៈស្ទឹងស្លាប់ទៅជាស្ទឹងរស់ពោរពេញដោយទឹកប្រើប្រាស់គ្រប់រដូវកាល។
ដោយបានការគាំទ្រពីក្រសួងសេដ្ឋកិច្ច និងហិរញ្ញវត្ថុ MEF យ៉ាងមុតមាំ ក្រសួងធនធានទឹក និងឧតុនិយម នឹងធ្វើការកសាងអាងទឹកធំដ៏មានសមត្ថិភាពខ្ពស់ខាងលើក្នុងពេលដ៏ខ្លីខាងមុខនេះដើម្បីជាយុទ្ធសាស្ត្រក្នុងការដោះស្រាយបញ្ហាទឹកជំនន់គ្រប់ប្រភេទក្នុងខេត្តកំពង់ធំ បានទាំស្រុង បង្កើនវិស័យអេកូទេសចរ ណ៍និងបង្កើនការផលិតបាន៣ដងដោយសុវត្ថិភាព ដែលជាហេតុធ្វើឲ្យមានលក្ខណៈល្អប្រសើឡើងជាបន្តបន្ទាប់ដល់សេដ្ឋកិច្ចរបស់ប្រទេសកម្ពុជា ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។