ពិធីបិទព្រឹត្តិការណ៍ប្រកួតកីឡាបាល់ទះពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២
ភ្នំពេញ៖ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា កាលពីល្ងាច ថ្ងៃទី៣០ ខែតុលា ឆ្នាំ២០២២ សហព័ន្ធកីឡាបាល់ទះកម្ពុជា បានអញ្ជើញអធិបតីភាពក្នុងពិធីបិទព្រឹត្តិការណ៍ប្រកួតកីឡាបាល់ទះពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ ឯកឧត្តម នាយឧត្តមសេនីយ៍ សន្តិបណ្ឌិត បានមានប្រសាសន៍ថា ព្រឹត្តិការណ៍នេះរៀបចំឡើងក្នុងគោលបំណងផ្ដោតសំខាន់ ដើម្បីជំរុញការអភិវឌ្ឍវិស័យកីឡាបាល់ទះជាតិ ពិសេសពង្រឹងសមត្ថភាព និងបច្ចេកទេសកីឡាករឆ្ពោះទៅស៊ីហ្គេម ឆ្នាំ២០២៣ នៅពហុកីឡដ្ឋានព្រីនស៍។
បញ្ជាក់៖ ក្លិបបាល់ទះវិសាខា បានគ្រងជើងឯកការប្រកួតកីឡាបាល់ទះ «ពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២» បន្ទាប់ពីយកឈ្នះក្រុមក្រសួងមហាផ្ទៃ ដោយលទ្ធផល ៣-០សិត ក្នុងវគ្គផ្ដាច់ព្រ័ត្រ កាលពីថ្ងៃទី៣០ ខែតុលា ឆ្នាំ២០២២៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។