បវរកញ្ញាហ្វីលីពីនបានគ្រងមកុដបវរកញ្ញាចក្រវាឡ២០១៨
ក្រោយឆ្លងកាត់ការប្រកួតប្រជែងដ៏ស្វិតស្វាញអស់រយៈពេលជាច្រើនថ្ងៃ ទីបំផុតស្រីស្អាតមកពីប្រទេសហ្វីលីពីន Catriona Gray បានគ្រងមកុដបវរកញ្ញាចក្រវាល២០១៨ យកឈ្នះបេក្ខនារីជាង៩០ប្រទេសមកពីជុំវិញពិភពលោក អំឡុងការប្រកួតវគ្គផ្តាច់ព្រ័ត្រ កាលពីម្សិលមិញ។ចំណែកបវរកញ្ញារងទី១ បានទៅបេក្ខនារីមកពីអាហ្រិកខាងត្បូង និងបវរកញ្ញារងទី២បានទៅលើស្រីស្អាតមកពី វេណេហ្ស៊ុយអេឡា ។
ស្រីស្អាតកើតឆ្នាំ ១៩៩៤ រូបនេះ មានដើមកំណើតនៅប្រទេសអូស្ត្រាលី និងមានឪពុកជាកូនកាត់ស្កុតឡេន និងអូស្ត្រាលី ព្រមទាំងម្ដាយជាជនជាតិហ្វីលីពីន។ បន្ទាប់ពីបញ្ចប់ការសិក្សាថ្នាក់វិទ្យាល័យ ក្នុងប្រទេសកំណើត Catriona ក៏បានផ្លាស់ទីរស់នៅក្នុងរដ្ឋធានីរបស់ហ្វីលីពីនគឺ Manila។
ថ្វីបើបវរកញ្ញាចក្រវាលកម្ពុជា រឿន ណាត មិនទទួលបានជោគជ័យក្នុងការប្រកួតសម្រស់ខាងលើក្តី តែកញ្ញាបានខិតខំប្រឹងប្រែងអស់ពីសមត្ថភាព ថែមទាំងទទួលបានការកោតសរសើរពីភាពជឿជាក់ និងសម្រស់ដ៏លេចធ្លោរបស់នាងក្នុងការប្រកួតលើឆាកអន្តរជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។