ឃាត់ខ្លួនមនុស្ស ៨នាក់ ករណីផលិត-កែច្នៃគ្រឿងញៀន ដោយរឹបអូសគ្រឿងញៀន ២គីឡូក្រាម និង៧៦ក្រាម
ភ្នំពេញ៖ កាលពីថ្ងៃទី០១ ខែមេសា ឆ្នាំ២០២៣ កម្លាំងនគរបាលរាជធានីភ្នំពេញ បានចុះបង្ក្រាបករណីផលិត-កែច្នៃគ្រឿងញៀន នៅចំណុចបណ្តោផ្លូវ៦០ម៉ែត្រ មុខផ្សារទំនើប អ៊ីអនម៉ល៣ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដោយរឹបអូសគ្រឿងញៀន ២គីឡូក្រាម និង៧៦ក្រាម។
ជនសង្ស័យដែលឃាត់ខ្លួនទាំង ៨នាក់នោះ ៖
១. ឈ្មោះ សុខ ផារ៉ា ហៅញ៉ាញ់ ភេទប្រុស ឆ្នាំកំណើត១៩៨៥ ជនជាតិខ្មែរ
២. ឈ្មោះ សែម វាសនា ហៅក្តាំង ភេទប្រុស ឆ្នាំកំណើត១៩៩៣ ជនជាតិខ្មែរ
៣. ឈ្មោះ ផុន វង្សសុភាបណ្ឌិត ហៅសី ភេទប្រុស ឆ្នាំកំណើត១៩៨៩ ជនជាតិខ្មែរ
៤. ឈ្មោះ ប៉ុល វាសនា ភេទស្រី ឆ្នាំកំណើត១៩៨៩ ជនជាតិខ្មែរ
៥. ឈ្មោះ អ៊ុន សាមិត្ត ភេទប្រុស ឆ្នាំកំណើត១៩៩៩ ជនជាតិខ្មែរ
៦. ឈ្មោះ សុង រតន ហៅខ្លា ភេទប្រុស ឆ្នាំកំណើត១៩៨៦ ជនជាតិខ្មែរ
៧. ឈ្មោះ ឡុង ប៊ុន ហៅLENG BINH ភេទប្រុស ឆ្នាំកំណើត១៩៩៧ ជនជាតិខ្មែរ
៨. ឈ្មោះ ធី ចាន់ភិរម្យ ភេទប្រុស ឆ្នាំកំណើត១៩៨៩ ជនជាតិខ្មែរ។
ចំណែកវត្ថុតាងដកហូតសរុប៖
• គ្រឿងញៀនប្រភេទកេតាមីន(Ketamine) ទម្ងន់២០៧៦ក្រាម (២គីឡូ ៧៦ក្រាម)
• សារធាតុមិនច្បាស់ ទម្ងន់១០៦៨៨,៣៤ក្រាម (១០គីឡូ ៦៨៨,៣៤ក្រាម)
• ឧបករណ៍កែច្នៃគ្រឿងញៀនមួួយចំនួនធំ
• អាវុធខ្លី០១ដើម។
បច្ចុប្បន្ន ជនសង្ស័យនិងវត្ថុតាង បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។