ព្រះមហាក្សត្រ យាងទៅកាន់ទីក្រុងប៉េកាំង ចូលរួមវេទិកាសន្ទនាស្តីពីអរិយធម៌អាស៊ីលើកទី១
នៅព្រឹកថ្ងៃទី១៣ ខែឧសភា ឆ្នាំ២០១៩នេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានយាងទៅកាន់ទីក្រុងប៉េងកាំងប្រទេសចិន តបតាមការយាងរបស់ប្រធានាធិបតី ស៊ី ជីនពីង ដើម្បីចូលរួមវេទិកាកិច្ចសន្ទនាស្តីពីអរិយធម៌អាស៊ីលើកទី១។
កិច្ចសន្ទនាស្តីពីអរិយធម៌អាស៊ីនឹងរៀបចំធ្វើនៅទីក្រុងប៉េកាំងពីថ្ងៃទី១៣ ដល់ ១៥ឧសភានេះ។
កិច្ចសន្ទនាស្តីពីអរិយធម៌អាស៊ីនឹងផ្តោតសំខាន់លើការពិភាក្សាអំពីប្រធានបទស្តីពីការផ្លាស់ប្តូរនិងការរៀនសូត្រពីគ្នាលើវិស័យអរិយធម៌ក្នុងគោលបំណងផ្សព្វផ្សាយសមិទ្ធផ លនៃអរិយធម៌ដ៏អស្ចារ្យរបស់អាស៊ីនិងប្រទេសនានាលើពិភពលោកបង្កើនជំនឿចិត្តផ្នែកអរិយធម៌របស់អាស៊ីដើម្បីផ្តល់ការគាំទ្រផ្នែកស្មារតីសម្រាប់ការកសាងសហគមន៍វាសនាអាស៊ី និងសហគមន៍វាសនាតែមួយរបស់មនុស្សជាតិ។
កិច្ចសន្ទនាលើកនេះនឹងអញ្ជើញថ្នាក់ដឹកនាំនយោបាយសំខាន់ៗរបស់ប្រទេសអាស៊ីនិងប្រទេសពាក់ព័ន្ធផ្សេងទៀតអ្នកទទួលខុសត្រូវនៃអង្គការ អន្តរជាតិក៏ដូចជាតំណាងមកពីគ្រប់មជ្ឈដ្ឋានវប្បធម៌មនុស្សជាតិឲ្យចូលរួមសកម្មភាពពាក់ព័ន្ធ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។