នគរបាលក្រុងបាត់ដំបង បង្ក្រាបល្បែងស៊ីសង ឃាត់ខ្លួនអ្នកប្រព្រឹត្ត ៥នាក់
ខេត្តបាត់ដំបង៖ កាលពីរសៀល ថ្ងៃទី២១ ខែកុម្ភៈ ឆ្នាំ២០២១ ចុងសប្តាហ៍នេះ កម្លាំងស្នងការដ្ឋាននគរបាលខេត្តបាត់ដំបង បានចុះបង្ក្រាបករណីល្បែងស៊ីសង មួយកន្លែង នៅភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង ដោយធ្វើការឃាត់ខ្លួនអ្នកប្រព្រឹត្តិចំនួន ៥នាក់ រួមទាំងវត្ថុតាងមួយចំនួនផងដែរ។
ក្នុងប្រតិបត្តិការនោះ បានដកហូត ម៉ូតូចំនួន ៣គ្រឿង កង់ចំនួន ១គ្រឿង គ្រាប់ខ្លាឃ្លោកចំនួន ៤គ្រាប់ ប៉ាយខ្លាឃ្លោកចំនួន១ ចានជ័រចំនួន២ កំរាលចំនួន២ និងកៅអីជ័រចំនួន៥។
ក្រោយពេលធ្វើការសាកសួររួច នគរបាលជំនាញ បានធ្វើកំណត់ហេតុអប់រំណែនាំ និងកិច្ចសន្យាឱ្យបញ្ឈប់ សកម្មភាពនេះជាបន្តទៀត រួចឱ្យវិលត្រឡប់ទៅលំនៅដ្ឋានវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។