ឃាត់ខ្លួនអ្នកញៀនល្បែង ៣នាក់ នៅស្រុកស្ទឹងត្រង់
ខេត្តកំពង់ចាម៖ កាលពីថ្ងៃទី៦ ខែធ្នូ ឆ្នាំ២០២០ បានចុះបង្ក្រាបករណីលួចលេងល្បែងស៊ីសងខុសច្បាប់ (ជល់មាន់ និងបាញ់អាប៉ោងដាក់ប្រាក់) នៅចំណុចដីចំការស្វាយចន្ទី ស្ថិតនៅភូមិសំរោង ឃុំអូរម្លូរ ស្រុកស្ទឹងត្រង់ ខេត្តកំពង់ចាម ដោយឃាត់ខ្លួនមនុស្សចំនួន ៣នាក់។
មុខសញ្ញាដែលឃាត់បាននោះ ១-ឈ្មោះ ហង់ នី ភេទប្រុស អាយុ៣៨ឆ្នាំ, ២-ឈ្មោះ ផន វណ្ណា ភេទប្រុស អាយុ៥៤ឆ្នាំ និង៣-ឈ្មោះ ហោ សេងហា ភេទប្រុស អាយុ៣៧ឆ្នាំ។ ចំណែកវត្ថុតាង ដកហូតបានរួមមាន៖ មាន់ជល់ងាប់៤ក្បាល ជញ្ជីងថ្លឹងមាន់១ ស៊ុក្រុងមាន់១០ ស្គុតរុំខ្នាយមាន់៦ដុំ កន្ត្រកដាក់មាន់៤ កន្ធន់ទ្រចានអាប៉ោង១ ផ្ទិលគ្របចានអាប៉ោង១ ក្រណាត់សង្វៀនមាន់ពណ៌ខ្មៅ១ និងម៉ូតូ៨គ្រឿង។
បច្ចុប្បន្នជនសង្ស័យ រួមនឹងវត្ថុតាង ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងកសាងសំណុំរឿងតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។