សមត្ថកិច្ចបង្ក្រាបករណីជួញដូរគ្រឿងញៀនជិត ៣គីឡូក្រាម ចាប់ខ្លួនក្រុមឧក្រិដ្ឋជន ៦នាក់ នៅរាជធានីភ្នំពេញ
ភ្នំពេញ៖ នៅចុងសប្តាហ៍នេះ អគ្គស្នងការនគរបាលជាតិ បានបង្ហាញមុខក្រុមឧក្រិដ្ឋជនចំនួន ៦នាក់ ពាក់ព័ន្ធករណីជួញដូរគ្រឿងជិត ៣គីឡូក្រាម។
សមត្ថកិច្ចជំនាញ បានឲ្យដឹងថា ក្នុងកិច្ចប្រតិបត្តិការបង្ក្រាបករណីជួញដូរសារធាតុញៀនខាងលើ ធ្វើឡើងកាលពីថ្ងៃទី១៩ ខែតុលា ឆ្នាំ២០២១កន្លងទៅ នៅចំណុចក្នុងហាងបុប្ផាលាក់ខ្លួន ផ្លូវទន្លេមេគង្គ សង្កាត់ព្រែកលាប ខណ្ឌជ្រោយចង្វា រាជធានីភ្នំពេញ។
ជនសង្ស័យទាំង ៦នាក់នេះ ជាជនជាតិខ្មែរ ទី១.ឈ្មោះ ម៉េង សុភក្ត្រា ហៅ បារាំង ភេទប្រុស អាយុ៤២ឆ្នាំ, ២.ឈ្មោះ ចន សុខចន្ទ័ ភេទប្រុស អាយុ២៧ឆ្នាំ, ៣.ឈ្មោះ តែ លីផេងអាង ភេទប្រុស អាយុ២៧ឆ្នាំ, ៤.ឈ្មោះ តុង ថារិទ្ធ ភេទប្រុស អាយុ៤២ឆ្នាំ, ៥.ឈ្មោះ ចាន់ ភារម្យ ភេទប្រុស អាយុ២៧ឆ្នាំ, ៦.ឈ្មោះ ងួន បាលីនកា ភេទស្រី អាយុ៣៩ឆ្នាំ។ ចំណែកវត្ថុតាងចាប់បាន៖ គ្រឿងញៀនប្រភេទ មេតំហ្វេតាមីន(ICE) ២kg ៨៤៧.០១g។
បច្ចុប្បន្នជនសង្ស័យ និងវត្ថុតាងចាប់យកខាលើ សមត្ថកិច្ចជំនាញ បានកសាងសំណុំរឿង បញ្ជូនជូនទៅសាលាដំបូងរាជធានីភ្នំពេញ ដើម្បីបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។