មេឈ្មួញឈើឈ្មោះ ព្រហ្ម ធី ប្រហើនហានយកឈ្មោះអង្គភាពប្រឆាំងអំពើពុក រលួយមកគំរាមគេឯងហើយ រកស៊ីដឹកឈើខុសច្បាប់..!

អង្គារ, 7 កក្កដា 2020 1:50 ល្ងាច

820

ព្រះវិហារ៖

លោក ព្រហ្ម ធី ហៅ (ធីម្រេច) មានអំណាចដ៏មហិមារកស៊ីបទល្មើសដឹកឈើគ្មានយ៉ាងអានាធិបតេយ្យទោះបីជាសមត្ថកិច្ចថ្នាក់ណាក៏ លោកមេឈ្មួញម្នាក់នេះមិន កោតញ ញើត នោះ ឡើយ ។ ជារៀងរាល់ថ្ងៃយប់ពលរដ្ឋរស់នៅតាមដងផ្លូវជាតិ លេខ ៦២ ក្នុងស្រុក រវៀង ខេត្តព្រះវិហារ ទៅកាន់ព្រំប្រទល់ ស្រុក ប្រាសាទបល្ល័ង្ក ខេត្តកំពង់ធំ គេសង្កេត ឃើញ សកម្មភាពឈ្មួញខាងលើនេះ តែងតែដឹកជញ្ជូនឈើតាមរយៈរថយន្តសាំងយ៉ុងកែច្នៃ ចំនួន ២គ្រឿង ធ្វើសកម្មភាពដឹកជញ្ជូនទាំង យប់ទាំងថ្ងៃមិនក្រោម ពី ២ទៅ ៣ជើង នោះទេ ។

ប្រភពមួយចំនួនពីសមត្ថកិច្ចសុំមិនបញ្ចេញឈ្មោះបានឲ្យដឹងថា ប្រហែលជាមេឈ្មួញ ឈ្មោះព្រហ្ម ធី នេះអាងអំណាចកូនរបស់ខ្លួនបំរើការនៅអង្គភាពប្រឆាំងអំពើពុករលួយហើយមើលទៅបានជាសមត្ថកិច្ចណាក៏លោកមេឈ្មួញមហាអស្ចារ្យម្នាក់នេះមិនខ្ចីខ្លាចដែរ ។

បើតាមការលួចខ្សឹប ពីមន្ត្រីសមត្ថកិច្ចមួយចំនួនតូចបាន ប្រាប់ថា កន្លងមកបុគ្គលរូបនេះធ្លាប់ ដើរបោះពាក្យសម្តីគំរាមសមត្ថកិច្ចថា បើនរណាហ៊ានទទួលយកលុយពីការរក ស៊ីដឹកឈើល្មើសច្បាប់ពីរូបគេហើយ ហានចាប់ឡានគេទៀត ប្រយ័ត្នគេប្តឹងទៅ ស្ថាប័នអង្គភាពប្រឆាំងអំពើ ពុករលួយ (ACU) ដោយ មេឈ្មួញឈ្មោះ ព្រហ្ម ធី ម្នាក់នេះអះអាងថា គេ មានកូនធ្វើការនៅទីនោះ ដូច្នេះហើយទើបស មត្ថកិច្ចមួយចំនួនរួញខ្លួនមិនហ៊ានចេញមកក្បែរមេឈ្មួញដឹកឈើខុសច្បាប់ម្នាក់នេះទេ ព្រោះខ្លាចជាប់គុក ដោយសារឈ្មោះ ព្រហ្ម ធី ប្តឹងទៅអង្គភាពដេកស៊ីយូរបស់កូនគាត់។

ពាក់ ព័ន្ធករណីខាងលើនេះដែរ អ្នកយកព័ត៌មានយើងបានភ្ជាប់ការទំនាក់ទំនងទៅកាន់លោក សុំ ស៊ីវត្ថាហៅតាវ៉ែនតា នាយផ្នែករដ្ឋបាលព្រៃឈើរវៀង លោកបានឲ្យដឹងតាមទូរស័ព្ទថា : បន្តិចទៀត..ខ្ញុំនឹងឲ្យកម្លាំងចុះចាត់វិធានការ ។ ប៉ុន្តែមិនមានសកម្មភាពអ្វីទាំងអស់។

អ្នកយកព័ត៌មានយើងបានភ្ជាប់ការទំនាក់ទំនងបន្តទៅ លោក ឡាយ ម៉េង ប្រធានស្នាក់ការបរិស្ថានអូរពោធិ៍និងលោក មាស ញឹមប្រធានស្នាក់ការបរិស្ថានបឹងពែរ មិនអាចសុំការបំភ្លឺតាមទូរស័ព្ទបានទេ កាលពីថ្ងៃទី០៣ ខែកក្កដា ២០២០ ។

សូមរំលឹកថា មានមូលហេតុច្រើនយ៉ាងដែលនាំឲ្យជំនួញឈើ ក្លាយជា បញ្ហា មិនអាច គ្រប់គ្រង បាន។ មូលហេតុ សំខាន់បំផុត គឺ សមត្ថកិច្ចក្នុងស្រុករវៀង ខេត្តព្រះវិហារ អាចឃុបឃិតគ្នាជាខ្សែបណ្តាញរវាងឈ្មួញរកស៊ី ឈើ ជាមួយ អាជ្ញា ធរមាន សមត្ថកិច្ច នេះឯង។ មូលហេតុ សំខាន់ មួយទៀត គឺ ឈ្មួញ អ្នករកស៊ី ឈើ ខុសច្បាប់ច្រើនតែ ជា អ្នកមាន ឥទ្ធិពល ឬ មាន ខ្នងបង្អែក រឹងមាំ។ ក្នុងករណីនេះ សមត្ថកិច្ច ដែនដី គ្មាន ជម្រើស អ្វី ក្រៅពី ធ្វើគ ធ្វើ ថ្លង់ នោះឡើយ ពី ព្រោះតែ ពួកគេ ខ្លាច អំណាច របស់ មន្ត្រី អ្នក មានបុណ្យ ស័ក្តិធំ ជាង ខ្លួន តួយ៉ាងដូចជាករណីមេឈ្មួញឈ្មោះ ព្រហ្ម ធី ខាងលើនេះអញ្ចឹង។

តែទោះយ៉ាងណាពលរដ្ឋ និងមហាជន សង្ឃឹមថា សមត្ថកិច្ចពាក់ព័ន្ធទាំងអស់នឹងមានវិធានការទប់ស្កាត់បញ្ហាប ទល្មើសដឹកឈើខុសច្បាប់របស់មេឈ្មួញខាងលើនេះ ឲ្យមានប្រសិទ្ធភាពដើម្បីអនុវត្តន៍តាមប្រសាសន៍របស់ ឯកឧត្តម អភិបាលខេត្តព្រះវិហារដែលដាក់វិធាន ការយ៉ាងតឹងរឹងក្នុងការជម្រុញអោយមន្ត្រីពាក់ព័ន្ធទាំងអស់ ទប់ស្កាត់អោយបាននូវរាល់បទល្មើសនានា ។ ជាពិសេស បទ ល្មើសធនធា នធម្មជាតិនេះ តែម្តង ៕