សហគមន៍អឺរ៉ុប ចាប់ផ្តើមដាក់ទណ្ឌកម្មទៅលើមន្ត្រីយោធាមីយ៉ាន់ម៉ា ១១រូប ពាក់ព័ន្ធការធ្វើរដ្ឋប្រហារ
បណ្តារដ្ឋមន្ត្រីការបរទេសសហគមន៍អឺរ៉ុបនៅថ្ងៃទី២២ខែមីនានេះ សហគមន៍អឺរ៉ូប បានអនុម័តដាក់ទណ្ឌកម្មទៅលើមន្ត្រីយោធាមីយ៉ាន់ម៉ា១១រូប ពាក់ព័ន្ធការធ្វើរដ្ឋប្រហារនៅថ្ងៃទី១ខែកុម្ភៈ។ ការដាក់ទណ្ឌកម្មនោះ គឺមានការបង្កកប្រាក់ និងហាមធ្វើដំណើរចូលក្នុងទឹកដីអឺរ៉ុប ។
មានប្រសាសន៍នៅក្នុងកិច្ចប្រជុំ បណ្តារដ្ឋមន្ត្រីការបរទេសអឺរ៉ុប នៅទីក្រុងព្រុចសែល ប្រទេសប៊ែលហ្សិច តំណាងសហគមន៍អឺរ៉ុប លោក Josep Borrell បានប្រកាសថា ស្ថានភាពនៅក្នុងប្រទេសមីយ៉ាន់ម៉ាកាន់តែអាក្រក់ទៅ ដោយមានអ្នកសា្លប់កាន់តែច្រើន។
ក្រោយពេលក្រុមបាតុករបានស្នើឲ្យបិទសេដ្ឋកិច្ច នៅពេលនេះ យោធាមីយ៉ាន់ម៉ាកំពុងតែអំពាវនាវដល់ ការវិនិយោគពីប្រទេសក្នុងតំបន់អាស៊ី។ រដ្ឋាភិបាលយោធាមីយ៉ានម៉ា សង្ឃឹមថា នឹងមានការវិនិយោគ ពីបណ្តាប្រទេសនៅក្នុងតំបន់អាស៊ី បើទោះបីមានការថ្កោលទោសពាក់ព័ន្ធការធញវើរដ្ឋប្រហារ ក្តី។
សារព័ត៌មាន Bloomberg បានដកស្រង់សំដី រដ្ឋមន្ត្រី ទទលបន្ទុកសេដ្ឋកិច្ច និងការវិនិយោគ មីយ៉ានម៉ា លោក Myanmar Aung Naing បានបញ្ជាក់ថា « ចំពោះស្ថានភាពបច្ចុប្បន្ន យើងសង្ឃឹមថា ក្រុមអ្នកវិនិយោគ និងបន្តសហការរកស៊ីនៅក្នុងប្រទេសមីយ៉ានម៉ា ។ រដ្ឋាភិបាលយោធា មិនស្នើក្រុមហ៊ុនក្នុងស្រុកនោះឡើយ គឺស្នើតែក្រុមហ៊ុនបរទេសបុណ្ណោះ។ ដូច្នេះយើងខ្ញុំសង្ឃឹមថា ក្រុមហ៊ុនបរទេសនឹងបន្តរកស៊ីនៅក្នុងប្រទេសមីយ៉ាន់ម៉ា» ។
រដ្ឋមន្ត្រីក្រសួងសេដ្ឋកិច្ចនិងវិនិយោគ មីយ៉ានម៉ា បានឲ្យដឹងថា មុនពេលឡើងកាន់អំណាចនៅក្នុងប្រទេសនេះ រដ្ឋាភិបាលយោធាក៏បានព្យាករណ៍ពីផលប៉ះពាល់សេដ្ឋកិច្ច និងការវិនិយោគពីក្រៅប្រទេស។
ពាក់ព័ន្ធនិងការធ្វើបាតុកម្មនៅក្នុងប្រទេសនេះនៅតែបន្ត ហើយការបង្ហូរឈានក៏នៅតែកើតមានដដែល គឺមានអ្នកស្លាប់ជារៀងរាល់ថ្ងៃ។ គិតចាប់តាំងពីការផ្តើមធ្វើបាតុកម្មនៅថ្ងៃទី ៥ខែកុម្ភៈ ដល់ថ្ងៃទី២១ខែមីនា មានអ្នកស្លាប់កើនឡើងដល់ជាង២៥០ នាក់ហើយ។ ជាមួយគ្នានេះដែរកម្លាំងទាហានក៏បានចាប់ខ្លួនបាតុករ២៦៦៥នាក់ផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។