ឧទ្ធម្ភាគចក្រ​បុកអគារ​កម្ពស់៥៤ជាន់នៅទីក្រុងញ៉ូវយ៉កស្លាប់ម្នាក់

 ពលរដ្ឋនៅទីក្រុងញ៉ូវយ៉កបង្ហាញក្តីបារម្ភយ៉ាងខ្លាំង ក្រោយឧទ្ធម្ភាគចក្របុកដំបូលអគារនៅទីក្រុងញ៉ូវយ៉ក អាមេរិក ។

អភិបាលរដ្ឋ​ New York ​លោក​ Andrew Coumo ​បានឲ្យដឹងថា ឧទ្ធម្ភាគចក្រជួបបញ្ហា ទើបព្យាយាមចុះចត់នៅលើតំបូលអាគារកម្ពស់ ៥៤ជាន់  ក្នុងពេលមានភ្លៀងធ្លាក់ខ្លាំង និងផ្សែងអ័ព្ទ មើលមិនឃើញ។

សារព័ត៌មាន​ AP ​បានផ្សាយថា ឧទ្ធម្ភាគចក្រ បានបុកទៅនឹង តំបូលអាគារនៅ មជ្ឈមណ្ឌល  Manhattan ​ក្នុងមហាវិថី លេខ​៧ ក្នុងទីក្រុងញ៉ូវយ៉ក​កាលពីរសៀលថ្ងៃទី​១០ខែមិថុនា​។ ក្រុមពន្លត់អគ្គិភ័យ បានបញ្ជាក់ថា អាកាសយានិកបានស្លាប់នៅក្នុងហេតុការណ៍ខាងលើ ។

សារព័ត៌មាន​ CBS New York ​បានផ្សាយថា ដោយសារតែ ឧទ្ធម្ភាគចក្រ បុកលើតំបូលអាគារទើមិនបណ្តាលឲ្យមានអ្នកស្លាប់ឬរងរបួសច្រើន ក្រៅពីអាកាសយានិកឡើយ។​ឧទ្ធម្ភាគចក្របានឆាប់ឆេះ​បង្កឲ្យមានផ្សេងខ្មៅ ក្របដណ្តប់តំបូលអាគារ​។

នាយករដ្ឋានអាកាសចរណ៍ស៊ីវិល អាមេរិក FAA ​បានបញ្ជាក់ថា   ឧទ្ធម្ភាគចក្រជួបគ្រោះថ្នាក់ជាប្រភេទ​ Agusta A109E ។ នៅក្នុងសេចក្តីប្រកាស ជាផ្លូវការ FAA បានបញ្ជាក់ថា  គណៈកម្មការសុវត្ថិភាពចរាចរណ៍ដែនអាកាស នឹងបើកការស្រាវ​ជ្រាវករណី គ្រោះថ្នាក់ខាងលើ​។ សកម្មភាពខាងលើ គឺជាគ្រោះថ្នាក់ មិនមែនភេរវកម្មនោះឡើយ​៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។